بحاول ألخص لكم تجربتي واجاوب على أكثر الأسئلة الي جاتني عن التدريب التعاوني لشركة ارامكو في هذا الثريد 🙏🏼
بالنسبة للتسجيل والمتطلبات: كل شيء كان موضح في موقعهم - ممكن تتغير هذي المتطلبات فلازم تشيكون عليها من موقعهم - 🙏🏼 كان مطلوب مننا خطاب تدريب من الجامعة، كشف الدرجات، الهوية الوطنية وكان السي ڤي إرفاقه إختياري .. ضروري ضروري ارفاق جميع المتطلبات لا تسحبون على اي شي فيهم!
شروط التدريب كانت برضو موضحة في الموقع هذي بعض منها: ⁃ معدل لا يقل عن ٢ من ٤ ⁃ التدريب يكون متطلب من الجامعة ومدته لا تقل عن ٨ اسابيع ⁃ لا يسمح بتسجيل مواد دراسية خلال فترة التدريب
بالنسبة لمدينة التدريب: في وقت التسجيل كان عندنا خيار ايش المدينة الي نفضّل التدريب فيها وكانت الخيارات كثير منها جدة، الرياض، الظهران و و و .. هل هذا يعني ١٠٠٪ راح تنقبل فيها؟ لأ .. ممكن يكون القسم الي قبلوك فيه في مدينة ثانية
خلال التسجيل في احد الاسئلة تتيح اختيار اقرب مكتب توظيف وهذا فقط عشان تروح تستلم البطاقة وممكن عشان توقع العقد، فلازم تختار المدينة الي انت فيها مو الي تبغا تتدرب فيها
بعض من مزايا التدريب: ⁃ مكافأة شهرية (غالبًا ٣٥٠٠ وممكن تتغير) ⁃ سكن او بدل سكن حسب حالتك ⁃ تأمين طبي
طيّب كذا مرحلة التسجيل انتهت نجي لمرحلة القبول، ارامكو حترسل للمقبولين عبر الايميل قبول مبدئي، ايش يعني؟ يعني حيرسلولك عقد ومُهلة توقع فيها العقد وترسله لهم او يطلبون حضورك وفي حال انتهت المُهلة وما رسلت العقد يعتبر القبول المبدئي ملغي
واخيرًا طبيعة التدريب في ارامكو: في الأيام الأولى ياخذ المتدرب خطة تدريب الي حيعملها المشرف ويلتزم عليها فتره التدريب، خطة التدريب توضح كل اسبوع ايش المخرجات والمهارات الي حيتعلمها المتدرب اما بالنسبة للدوام كان من ٧ ل ٣:٣٠ او ٤ 🕓
طبعًا التجارب مختلفة اكيد من شخص لشخص لأنها تعتمد على المكان والتيم الي يشتغل معاهم أكثر شيء وتجربتي مختلفة تمامًا عن تجربة اي شخص آخر🙏🏼
انا تدربت في قسم كل شغله AR/VR في البداية كان صعب اني اشتغل معاهم وكنت متخوفة انه ما عندي اي خلفية عن هذا المجال ولكن المشرف والتيم كله كانو داعمين ومتساعدين ومتحمسين يعطونا tasks فكان دايمًا عندنا شغل نسويه وشيء جديد نتعلمه وهذا الي خلاها تجربة مثرية جدًا!
في اغلب الاجتماعات حتلاقيهم يسألونك عن رأيك ويعتبرونك جزء من التيم ويمكن هذا اكثر شي ممكن يشجعك تدخل معهم في الشغل اكثر! بالنسبة لصحباتي هما تدربوا في اقسام مختلفة ولكن كان دائمًا عندهم شغل وما كان احد مننا فاضي وقت طويل ابدًا🙏🏼
هل لازم ألبس الكارد هولدر طول الوقت؟ لأ مو لازم، بس لازم تكون معك طول الوقت جوا الكامب او وقت الدوام حتى وانتِ داخلة الكامب تحتاجيها 🙏🏼
هل اللغة عائق؟ لأ ابداً، اذا عند الاساسيات يكفيك وبتطورينها اكثر وقت التدريب .. ويعتمد كثير على تدريبك اذا حيكون مع عرب او اجانب، لكن في الحالتين مو صعب ابدًا ولا عائق بالنسبة لتدريبي لأ ما استخدمت الانقلش كثير لأن كل التيم كانو سعوديين فما احتجت اتكلم انقلش الا في البرزنتيشن
بيئة العمل مختلطة أكيد، السكن كان معك متدربة لازم وتقدرين تختارين مين يكون معك احياناً، وكان كبير المكان يكفي اكثر من اثنين فكان مريح جدًا
@Dem_Ab هل بيكون في زي موحد للبنات ولا لا ؟