سوالف الجده

أخوي خطب مرتين وسبحان الله بعد الشوفة كل شي يتغير ، ويصير الرفض هو الحل الوحيد !!
كان دكتور بمستشفى واضطر إنه ينقل من المستشفى إلي كان يشتغل فيه ، لمستشفى ثاني ..
بعد شهرين من شغله كانت في موظفة جديدة مسكت شغل الإستقبال وكان دايم بوقت البريك يسمع صوت بكائها ..!

أعتذر منكم 🙏🏻حالة عاجلة اب سعودي لديه 6 اطفال عليه امر بالتنفيذ وحكم بالسجن 

١٠ ريال يمكن ماتغنيك في الدنيا لكنها تغنيك في الاخرة والي مايقدر يتبرع خله يساهم في نشر الحالة وجزاكم الله خير

الحالة من منصة احسان 🇸🇦
https://ehsan.sa/referral/893A53FC77 

يسمعها بس ما عمره سألها وخاف انه يحرجها ، بس صوت بكاها كان يقطع القلب ، وأحيان وهي تشتغل عينها تدمع وتحمر فجأة !!
لكن في مرة تجرأ أخوي وسألها وش فيك ؟ ولو في شيء أقدر أساعدك فيه أبشري ؟؟
قالت له :لا ، بس أبوي توفى قريب وباقي أثر الفقد بخاطري وكل حياتي  ..
ترحم عليه وهداها وراح وهو يهوجس ويفكر ، بعدها بفترة أخوي اعتمر ورجع ، وفجأة بدون مقدمات حتى ماكلمنا ولا أي شئ ، راح للبنت وقال لها : عطيني رقم أخوانك أو أعمامك ؟؟
قالت له ما عندي إلا رقم أمي .

رجع البيت صلى الوتر ، وعلى الفجر جمعنا وكلمنا انه ناوي يخطب ، وفي بنت الحلال إلي هو يبيها وفعلاً الوالدة وافقت ورحبت ، وقالت له : عطنا الرقم نكلم أهلها ..
أخذت أمي الرقم ويوم جينا نكلمهم هنا كانت الصدمة ؟؟
حنا ع حد علمنا إنها أمها بس طلعت زوجة أبوها
كلمتها أمي وردت عليها الصراحة البنت صغيرة مو كبيرة ، وأنه ما ينفع لها الزواج !!
لكن وش رأيك يا أم فلان في البنت الثانية إلي أكبر منها خذوها أفضل .......

طبعًا أخوي كان جالس عند أمي يوم كانت تكلم الحرمة ، وأشر لأمي أنه لا مانبي إلا هالبنت إلي اسمها فلانة ،
وهنا قالت الحرمة حياكم ..
اتفقوا على اليوم والوقت يكون بعد العشاء ؟تجهزنا ورحنا لهم بنخطب ..
دقينا الباب وفتحت الباب أختها الكبيرة 
وجات تسلم علينا بالخد والأحضان ما أحكي لك كيف كانت مو مرتبة وأتوقع مسكينة مع حوسة عيالها م قدرت تاخذ شاور 🥲 .......

قلنا بسم الله ماعلينا هذه مو عروستنا تونا بنجلس إلا وعيال البنت إلي فتحت لنا يرجمونا بفصم التمر وغصب هاوشتهم !!
سألنا عن الحرمة إلي هي زوجة الأب قالوا جاية وجت وهي تو صاحية من النوم ، والبيت مهبذل وواضح انهم غاسلين ملابس الظاهر والأطفال مرمينها بالأرض ، من الآخر ما أحد متجهز يستقبلنا وما أحد كان طايقنا وكأننا ضيوف ثقيلين !!
بالنسبة للبنت إلي جايين نخطبها دخلت ومعها صينية القهوة بتضيفنا إلا وأخواتها يدفونها يبونها تطيح والوضع غرررررريب 😳
وزوجة أبوها تتكلم عنها انها ما تصلح للزواج وماتعرف لشيء ، وتحمد الله إن حنا ساترينها أصلاً وإلا ماحد يبيها وكلام كثير يكسر الخاطر عن البنت وحنا مصدومين منها ..!

المهم قعدت البنت إلا زوجة أبوها تفلتت بالكلام عليها، نعععععم من قال لك ؛ تجلسين ومن ذا الكلام ؟ البنت انحرجت وأنا وأمي وأخواتي في حالة ذهول من هالتصرف !!
من الفشلة والقهر حنا ما عرفنا نفتح الموضوع ونحتري زوجة أبوها تخلص كلام وهواش ، يوم هدأ الوضع تكلمت أمي وقالت حنا جاين نخطب فلانة بنتكم لولدنا فلان ؟؟

 بالبداية هم ما توقعوا أن أخوي دكتور أو حتى عنده وظيفة زينة !!
شوي إلا سألت أمي وين يشتغل ولدكم !؟
ردت أمي وقالت دكتور في نفس المستشفى إلي بنتكم تشتغل فيها وهنا تعالي شوووووفي الصدمة ..!!

وش صار ؟؟ زوجة الأب استكثرت أخوي على البنت وصارت تذذذم فيها ذذذذم ، وإنها مو سن زواج وصغيرة ورفلة وإنه في أختها أكبر منها أفضل وأسنع منها ؟؟
في البداية أمي للأمانة بدأت تصدقها لأن البنت كانت ساكتة ما تكلمت ولا نطقت بحرف واحد ،
وشكل الخوف كان بقلبها منهم ولاعرفت ترد ، بس وجهها كان حزين وعيونها ذبلانه ،
و أول ما طلعت من المجلس والله أنا سمعت غصتها بأذني وكانت غصة غبنة بس سوت نفسها تكح ياعمري ..!! 💔.....

للتذكير:  "كل ريال وكل نشر ساهمت فيه، ستجد اثره في حياتك وصحتك ورزقك ومالك وسعادتك"👇
https://ehsan.sa/referral/893A53FC77 

أختها الثانية راحت لبست وتزينت ونزلت عندنا وتقعد تقول لأمي سمي يا خالة أبشري ياعيني ، وتعطيها ريق حلو عشان تكسبها وامي ياحلوها إلي يقولها كذا حتى لو عادوها تشوفه حبيب وطيب ؟؟
ونطلع من عندهم وأول ما ركبنا السيارة وحنا ماغير نحاول في أمي ؟؟
لك أن تتخيلين كلما الخمس بنات وحنا نحاول ونحاول مع أمي أنه ناخذ إلي طلبها أخوي لدرجة والله أختي صاحت وهي تترجى أمي ويوم رجعنا البيت ، البنت تواصلت مع أخوي وقالت له تكفى طلعوني من هنا ، وأنا راضية أشتغل عاملة عندكم !!
أخوي من الروعة أعطاها رقمي وقال لها كلميها ويوم كلمتني طمنتها وأنه إلي فيه الخير بيصير .......

احنا قاعدين نحاول نريحها إنك أنتِ إلي بتتزوجين أخوي مو أختك ماعليك ارتاحي ومن هالكلام ..
والله يا هندز أسبوع ويومين وحنا نترجى أمي لدرجة أنه إذا طلعنا حديقة ونشوف متزوجين واضح الحب فيهم ، نقول لها شوفي يمه هم مستقرين ما شاء الله والحب والتفاهم واضح بينهم ، لأنهم حبوا بعض وخذوا بعض ..
وإنه لا توقفين بنصيبهم ونزن على أمي إلى ما وافقت ، وما تتخيلين فرحتنا حنا أكثر من أخوي ......

مشت الأمور تمام إلى ما قبل الزواج حجزنا كلنا في نفس الصالون مع العروس علشان نتعرف عليها أكثر وأرسلنا سواقنا عندهم للبيت بحيث إنه ياخذ دبش وأغراض البنت ، طبعًا الصدمة كانت لاتوصف 
العطورات إلي شرتها كلها كانت مكسورة داخل الشنطة ومكبوبة ؟؟
 وبعض من ملابسها حرقوها وبعضها مقصقصة لدرجة والله العظيم إن شفت ذا الشيء بعيني ،
وهي كانت مجهزة شنطة تاخذها للقاعه ..
فيها فستان وأغراض وكعب ، والله الكعب مكسور ومذوبين من داخل الكعب ومعطينها للسواق …......

يوم البنت شافته انهارت لأن باقي يومين بسسسس متخيلين ، ورحنا جري للسوق نشتري كعب مناسب وحاولنا نكمل الأغراض إلي صار فيها كل ذا بس هي كانت خايفة إننا نعاملها بسوء مثل ما كانوا يعاملونها وأسوأ ، أو بيوم نعايرها لدرجة كانت بترفض أخوي بس يوم تواصلت معها أختي وطمنتها وكلمتني أنا بعد حست براحه شوي ؟؟
شفت حقد وخبث وسوء بالناس بس زي كذا ماعمري شفت والله أنه على عيوننا كان كل شيء ......

والحمدلله الآن لهم فوق أربع شهور متزوجين وعايشين حياة حلوة يارب لك الحمد، ووالله شايفينها مثل أختنا وطيبة الدنيا كلها فيها ،
الله يرزقهم الذرية الصالحة ، وحنا يالخوات الله عز وجل فتح لنا من أوسع أبواب رزقه وإلي توظفت وإلي انخطبت وإلي أمورها كانت معقدة في حياتها وانحلت يعني سبحان الله حتى وضعنا المادي صار أفضل ، أقسم بالله يمكن إنك ما تصدقيني لكن أقسم بالله وضعنا المادي صار افضل من قبل يارب لك الحمد والمنة ، ولعله بفضل الله ثم هالبنت اليتيمة وتفريجنا لكربتها ربي فرج علينا ، وفتح لنا أبواب الخير بعد الله بسببها .......

الفائدة من القصة : لعلك تكون سبب في تفريج كربة شخص ويفتح الله لك أبواب الرزق بسببه وأنت لاتشعر ، من أعظم الأمور تفريج الكرب ومساعدة اليتيم ومد يد العون له فيها فتوحات عظيمة .. رسالة لكل زوجة أب متسلطة راعي الأمانة وخافي الله فيها ، لعل باحسانك لها يكتب الله فرج وجبر من حيث لاتحتسبين ..
ملاحظة : القصة من إحدى المتابعات .......يا

في النهايه تصدق ولو ب 10 ريال كتب الله اجركم

تصدقوا بنية شفاء الوالدين ، تصدقوا بنية شفاء مريض ، تصدقوا عن شخص متوفي ❤️

للتبرع الحالة من فرجت - احسان🇸🇦⬇️
https://ehsan.sa/referral/893A53FC77 